Қасим-Жомарт Тоқаев Қатар Амири Шайх Тамим бин Ҳамад Ол Соний билан учрашди
ASTANA. Kazinform - Давлат раҳбари Шайх Тамим бин Ҳамад Ол Сонийга Доҳа форумига таклиф қилгани учун миннатдорлик билдириб, мазкур учрашув жаҳоннинг долзарб муаммолари юзасидан очиқ мулоқотлар учун ўзига хос майдон эканлигини таъкидлади, деб хабар беради Ақорда матбуот хизмати.
Қасим-Жомарт Тоқаев Қатар Амирининг стратегик шериклик даражасига кўтарилган икки томонлама муносабатларни мустаҳкамлашга қўшган ҳиссасини юқори баҳолади.
Суҳбат чоғида банк, телекоммуникация, энергетика, қишлоқ хўжалиги ва тиббиёт соҳаларида инвестиция лойиҳалари билан боғлиқ келишувларни ўз вақтида ва сифатли амалга ошириш масаласига алоҳида эътибор қаратилди. Қозоғистон Президенти Қатар бизнеси билан қўшма лойиҳалар ҳар икки давлат ривожига хизмат қилишига ишонч билдиришини таъкидлади.
Қатар амири Астана ва Доҳа ўртасидаги ҳамкорлик узоқ муддатли стратегик хусусият касб этганини айтди.
Шунингдек, у икки томонлама ташриф чоғида қабул қилинган қарорларни амалга ошириш бўйича ҳукуматлар тизимли иш олиб бораётганини алоҳида таъкидлади.
Қасим-Жомарт Тоқаев ва Шайх Тамим бин Ҳамад Ол Соний юқори даражадаги фаол сиёсий мулоқот келажакда Қозоғистон-Қатар муносабатларини мустаҳкамлашга хизмат қилишига эътибор қаратди.
