Қасим-Жомарт Тоқаев ҳарбий хизматчилар хавфсизлигига алоҳида эътибор қаратиш бўйича топшириқ берди
ASTANА. Кazinform — Давлат раҳбари ҚР Мудофаа вазири Даурен Қосановни қабул қилди, дея хабар беради Ақорда матбуот хизмати.
Президент – Қозоғистон Республикаси Қуролли Кучлари Олий Бош Қўмондони Қасим-Жомарт Тоқаевга Мудофаа вазирлигининг 2025 йилнинг биринчи ярмидаги фаолияти ҳақида ахборот берилди.
Давлат раҳбарига армиянинг жанговар шайлиги, баҳорги чақирув кампанияси якунлари, ҳарбий-ватанпарварлик тарбияси тизимини такомиллаштириш, ҳарбий хизматчиларни ижтимоий таъминлаш чора-тадбирлари тўғрисида маълум қилинди.
Даурен Қосанов Президент топшириқлари ижросининг бориши тўғрисида ахборот берди. Хусусан, Давлат раҳбарига армиянинг ҳаракатчанлигини ошириш, ҳаво ҳужумидан мудофаа тизимини мустаҳкамлаш, ҳудудий қўшинлар ва учувчисиз учиш аппаратлари бўлинмаларини, ҳарбий инфратузилмани ривожлантириш, шунингдек, мудофаа соҳасида давлат буюртмаларини жойлаштириш билан боғлиқ масалалар юзасидан маълумот берилди.
— Қасим-Жомарт Тоқаев вазирга Қуролли Кучларнинг ҳарбий салоҳиятини янада ошириш бўйича қатор вазифаларни юклади. Давлат раҳбари ҳарбий хизматни ўташ хавфсизлигини таъминлаш, ҳарбий хизматчиларнинг жароҳатланиши ва ўлимининг олдини олишга қаратилган комплекс чора-тадбирларни амалга ошириш муҳимлигига ҳам эътибор қаратди, — дейилади хабарда.
Эслатиб ўтамиз, аввалроқ Давлат раҳбари транспорт соҳасидаги ходимларни мукофотлагани ҳақида хабар берган эдик.
