Қасим-Жомарт Тоқаев Европа тикланиш ва тараққиёт банки президенти билан учрашди
ASTANA. Kazinform – Қасим-Жомарт Тоқаев Европа тикланиш ва тараққиёт банки (ЕТТБ) президенти Одиль Рено-Бассо билан учрашди. Бу ҳақда Ақорда матбуот хизмати хабар берди.
Иқтисодиётнинг турли тармоқларида ҳамкорлик қилиш масалалари муҳокама қилинди.
2024 йилда Қозоғистон Ҳукумати ва ЕТТБ 935 миллион долларлик 25 та лойиҳани молиялаштириш бўйича келишувга эришди.
Одиль Рено-Бассо ЕТТБ “яшил иқтисодиёт” дастурларини амалга ошириш учун 2 миллиард евро сармоя киритишни режалаштираётгани ҳақида янги маълумот берди.
Қозоғистон Президенти банк секторини ривожлантиришни қўллаб-қувватлагани учун миннатдорлик билдирди.
Қасим-Жомарт Тоқаев ва Одиль Рено-Бассо молия секторидаги жаҳон тенденциялари юзасидан фикр алмашдилар.
Аввалроқ Қасим-Жомарт Тоқаев ва Европа комиссияси президенти Урсула фон дер Ляйен “Марказий Осиё – Европа Иттифоқи” саммити доирасида учрашув ўтказган эди.
