Қарағандидан Истанбулга тўғридан-тўғри рейс очилади
ASTANA. Kazinform - Қозоғистоннинг FlyArystan лоукостер авиакомпанияси жорий йилнинг 4 июнидан бошлаб Қарағанди аэропортидан Истанбулга мунтазам тўғридан-тўғри рейсларни йўлга қўяди, дея хабар беради Kazinform Қарағанди вилояти ҳокимлигига таяниб.
Парвозлар ҳафтада икки марта - чоршанба ва жума кунлари амалга оширилади.
“Қарағанда агломерациясида 870 минг аҳоли истиқомат қилади. Булар вилоят марказига яқин жойлашган 30 дан ортиқ шаҳар ва қишлоқлардир. Бизнинг резидентларимиз чет элга саёҳат қилишлари керак ва бошқа аэропортлар орқали ўтиш жуда ноқулай. Қарағанди аэропорти халқаро, яъни авиакомпаниялар билан ҳамкорликда бизни Истанбул, Дубай, Пекин, Шанхай каби асосий марказлар билан боғлаши мумкин. Ишончим комилки, бу ҳали олдимизда турган кўп ишларнинг бошланиши”, - деди Қарағанди аэропорти директорлар кенгаши раиси Ерлан Оспанов.
Авиачипталар авиакомпаниянинг расмий сайтида, мобил иловаси ва бошқа ресурсларида мавжуд.
Эслатиб ўтамиз, аввалроқ Қозоғистондан Грузия ва Хитойга янги рейслар йўлга қўйилиши хабар қилинганди.
