Канзас-Ситидаги Суперкубок отишма билан тугади, қурбонлар бор
ASTANA. Kazinform - Миссури штати Канзас-Сити шаҳрида Миллий футбол лигаси чемпиони «Канзас-Сити Чифс»нинг Суперкубокдаги ғалабасини нишонлаш чоғида бир киши ҳалок бўлди, яна 21 нафар жабрланувчи ўқдан жароҳат олди, деб хабар беради Kazinform мухбири NBC Newsга таяниб.
Расмийларга кўра, 15 киши ҳаётига хавф туғдирувчи жароҳатлар билан касалхонага ётқизилган, яна 6 киши эса енгил жароҳатлар олган.
Болалар касалхонаси ўқ жароҳати олган 12 нафар жабрланувчига, аксарияти болаларга ёрдам бераётганини маълум қилди.
Канзас-Сити полициясига кўра, жиноятда гумон қилиниб, уч киши ҳибсга олинган. Дастлабки терговга кўра, отишма террорчилик эмас, жиноий хусусиятга эга.
Политсия одамлардан жароҳат олганларга тиббий ёрдам кўрсатиши учун Канзас-Сити марказидаги ҳудудни тезда тарк этишни сўради.
Якшанба куни «Канзас-Сити Чифс» Суперкубокда «Сан-Франциско Форти Найнерс» устидан 25-22 ҳисобда ғалаба қозонганидан сўнг, Минглаб одамлар Юнион-Стейшн яқинидаги байрам парадига йиғилди.
Чоршанба куни кечқурун Оқ уй президент Жо Байденнинг фожиа юзасидан чуқур ҳамдардлик билдирган ва америкаликларни Америка кўчаларида оммавий отишмаларни тўхтатиш учун қаттиқ ишлашга чақирган баёнотини эълон қилди.
