Канадада ғайриоддий кучли ўрмон ёнғинлари давом этмоқда

ASTANA.Kazinform - Канададаги ўрмон ёнғинларининг сони ва кўлами барча рекордларни янгилаши мумкин. Бош вазир Жастин Трюдо айтишича, ҳозир Канадада 414 та ўрмон ёнғинлари кузатилмоқда, улардан 239 таси назоратдан ташқарида. 20 мингдан ортиқ одам уйларидан эвакуация қилинган, дея хабар беради Kazinform BBCга таяниб.

Фақат Квебекда маҳаллий ўт ўчирувчилар бир вақтнинг ўзида 40 дан ортиқ бўлмаган ёнғинларни ўчириш имкониятига эга бўлишига қарамай, 150 дан ортиқ фаол ёнғинлар мавжуд.

Ушбу ёнғинлар туфайли Америка шаҳарларида - Нью-Йорк, Вашингтон ва бошқаларда ҳам тутун кузатилмоқда. АҚШ шимолий қўшнисига фавқулодда ёрдам юбормоқда.

Фото: GETTY IMAGES

Квебекдан ташқари Британия Колумбияси, Алберта, Онтарио, Янги Шотландия ва Шимоли-Ғарбий ҳудудларда 3,3 миллион гектар ўрмонлар ёнмоқда.

Фото: REUTERS

Канадада ўрмон ёнғинлари йилнинг шу даврига хосдир. Бироқ бу йил кузатилаётган ёнғинлар кўлами жуда катта бўлиб, қисман қуруқ об-ҳаво ва ҳароратнинг исиши билан боғлиқ. Агар ёнғинлар шу тезликда тарқалишда давом этса, расмийлар 2023 йил Канадада ёниб кетган ҳудуд ҳажми бўйича энг ёмон йил бўлишини тахмин қилмоқда.

Фото: GETTY IMAGES

Яқин атрофдаги ёнғинлар туфайли минглаб канадаликлар эвакуация қилинди, Шимолий Америка бўйлаб ўн миллионлаб одамлар потенциал тутун хавфи ҳақида огоҳлантирилди.

Канада ва АҚШнинг кўплаб шаҳарларида, жумладан Торонто, Оттава, Нью-Йорк ва Вашингтонда осмон тўқ сариқ рангга кирди. Оттава ҳукумати ёнғинлар натижасида ҳавонинг ифлосланишини одамлар, айниқса, нафас йўллари касалликлари билан оғриганлар саломатлиги учун ўта хавфли деб атади.

Фото: GETTY IMAGES

Нью-Йорк ва Вашингтонда давлат мактаблари фаолияти тўхтатилди, Нью-Йорк мэри Эрик Адамс эса вазият ёмонлашиши мумкинлигидан огоҳлантирди ва аҳолини уйларини тарк этмасликка чақирди.

Фото: GETTY IMAGES

Эрик Адамснинг айтишича, нью-йоркликлар ҳеч қачон бундай нарсаларни бошдан кечирмаган. У вазиятни мисли кўрилмаган деб атади.