Камерун президенти 92 ёшида саккизинчи муддат учун сайловда қатнашади
ASTANА. Кazinform — Камерун президенти Поль Бийя навбатдаги президентлик сайловида ўз номзодини қўйишини маълум қилди.
92 ёшли давлат раҳбари Х ижтимоий тармоғидаги саҳифасида 2025 йил 12 октябрда бўлиб ўтадиган сайловда иштирок этишини ёзди.
— Сизларга хизмат қилиш истагим — ҳозирги қийинчиликларга тенг. Биргаликда биз ҳар қандай тўсиқни енгиб ўтамиз, — деб ёзган Поль Бийя.
Аввалроқ Камерун Миллий ассамблеяси спикери Кавайе Йеги Жибрил Бийяни мамлакатнинг шимолий ҳудудидан номзод сифатида кўрсатганини маълум қилганди.
Поль Бийя 1982 йилдан бери ҳокимият тепасида. 2019 йил 25 июль ҳолатига кўра, Поль Бийя дунёдаги энг кекса президент ҳисобланади. 2022 йил 8 сентябрдан эса Буюк Британия қироличаси Елизавета II вафотидан кейин у дунёдаги энг кекса давлат раҳбарига айланди.
Камерун конституцияси президентликка номзоднинг ёши ва муддатлари сонини чекламайди, бу Бийяга кетма-кет саккизинчи муддатга сайланиш имконини беради.
Эслатиб ўтамиз, аввалроқ Нигериянинг собиқ президенти Муҳаммаду Бухари 83 ёшида Лондон касалхонасида вафот этгани ҳақида хабар берган эдик.
