Июнь ойида 1,2 миллиондан ортиқ қозоғистонлик поездда саёҳат қилган

ASTANА. Кazinform – 2025 йил июнь ойида “Йўловчилар транспорти” акциядорлик жамияти поездларида мамлакат бўйлаб 112 та турли йўналишда 1,2 миллиондан ортиқ йўловчи ташилди.

- Анъанага кўра, ёзда туристик йўналишларга талаб ортади. Мисол учун, июнь ойида 18,7 мингдан ортиқ йўловчилар Бурабай курортига йўналиш бўйлаб қатнайдиган электропоездлардан фойдаланган бўлса, Шарқий Қозоғистондаги машҳур курорт – Олакўл кўлига 12,8 мингдан ортиқ киши поездда ташриф буюрган, — деб хабар беради “Самруқ-Қазна” жамғармаси.

Компания маълумотларига кўра, йўловчи ташишни самарали ташкил этиш мақсадида ёзги мавсумда талаб юқори бўлган йўналишларда қўшимча поездлар қатнови йўлга қўйилган. Хусусан, Олакўл, Балқаш ва Бурабай йўналишларида қўшимча рейслар ташкил этилди.

Эслатиб ўтамиз, аввалроқ Қарағандидан Балқашга қўшимча тезюрар поезд қатнови йўлга қўйилиши ҳақида хабар берган эдик.