Исроилдан эвакуация қилинган қозоғистонликлар мамлакатга етиб келди

Исроилдаги уруш вазияти кескинлашгани сабабли у ерда бўлган 124 нафар қозоғистонлик махсус репатриация рейси билан мамлакатга олиб келинди, деб хабар беради Kazinform.

Қозоғистон фуқаролари бўлган «Air Astana» самолёти кеча тунда Алмати халқаро аэропортига қўнди.

Самолёт бортида 166 нафар йўловчи бўлган. Улардан 124 нафари Қозоғистон Республикаси фуқаролари, қолганлари хорижликлардир.

Шунингдек, юртга қайтганларнинг 14 нафари “Болашақ” дастури бўйича таҳсил олаётган стипендиатлардир. Ватандошларини яқинлари, дўстлари ва оммавий ахборот воситалари вакиллари кутиб олди.