Исроилда коронавирус билан касалланганларнинг ярмидан кўпи болалардир
Исроилда янги инфекциялар сони сўнгги олти ҳафта ичида энг юқори бўлди. Шу билан бирга, ушбу ҳолатларнинг ярмидан кўпи болаларга тўғри келади, деди мамлакат Соғлиқни сақлаш вазирлиги.
8 декабр, чоршанба куни 786 та янги ҳолат қайд этилди. 25 октабрда 929 кишига коронавирус ташхиси қўйилганида, юқтириш даражаси шунчалик юқори бўлган эди.
Мамлакатда касалланган 5971 нафар беморнинг 14 фоизи 5 ёшгача бўлган болалар, қолган 38 фоизи ноябр ойида биринчи эмлашни бошлаган 5 ёшдан 11 ёшгача бўлган болалардир, бироқ улар ҳалигача эмланган деб ҳисобланмайди, чунки эмлашдан бери етарли вақт ўтмаган.
R-фактор - ҳар бир коронавирус ташувчиси томонидан юқтирганларнинг ўртача сони 1,09 га кўтарилди, бу эса юқумли касаллик ўсиб бораётганини англатади.
Рақамлар юз минглаб исроиллик мактаб ўқувчилари Ҳанукка байрамидан сўнг шу ҳафта дарсга қайтганидан кейин пайдо бўлди. Барча мактабгача ёшдаги болалар ва 1-6-синфлардаги болалар синфга қайтганларида манфий тезкор тест натижасини топширишлари керак эди.
Инфекция кўпайишига қарамай, Исроилда ўлим даражаси ошмаяпти. Шундай қилиб, ўтган кун давомида бирорта ҳам ўлим қайд этилмади. Охирги етти кун ичида саккиз киши коронавирус асоратларидан вафот этди.
Инфекция кўпайиши муносабати билан Бош вазир Нафтали Беннет эмланмаган исроилликларга чекловлар жорий этилишини эълон қилди.
Унинг таклифига кўра, Green pass картаси бўлмаганлар, яъни улар 6 ойдан камроқ вақт олдин тўлиқ емланганликдан далолат беради – озиқ-овқат дўконлари ва дорихоналар бундан мустасно, жамоат жойларига бора олмаслиги керак.
Бундан ташқари, Беннет Бен Гурион халқаро аэропортини бутунлай ёпишни таклиф қилди. Бироқ ҳукумат аъзолари бу чекловларни асоссиз деб атади.
Чекловларни жорий қилиш учун Беннет бу қадамлар зарурлигини исботлаши керак, шундан кейингина уларнинг киритилиши Олий суд томонидан тасдиқланиши мумкин.
