Исроил ракета ҳужуми оқибатида тўрт нафар суриялик ҳарбий ҳалок бўлди
Ҳалок бўлганлар сони Сурия Мудофаа вазирлиги баёнотида айтилади, унда ҳужум натижасида етказилган моддий зарар ҳам кўрсатилган.
Ракеталар Исроил шимоли-шарқидаги Тивериад кўли соҳилидаги Тиверия шаҳридан учирилган. Уларнинг аксариятини Суриянинг ҳаво ҳужумидан ҳимояланиш тизими уриб туширган, дея хабар беради Сурия давлат ахборот агентлиги SANA.
Исроил ҳарбийлари вакили зарба ҳақида изоҳ беришдан бош тортди.
Ҳужумлар Исроил ҳарбийлари бир кун аввал чегаранинг Сурия томонида Исроил ўзучар аппарати қулагани ва сешанба куни иш бўйича тергов очилганини айтганидан кейин содир бўлди.
Мухолифатнинг ҳарбий фаолиятини кузатувчи Буюк Британияда жойлашган Сурия инсон ҳуқуқлари обсерваториясининг маълум қилишича, Исроил ракета зарбалари Дамашқнинг бир қанча чеккаларидаги Эрон томонидан қўллаб-қувватланган гуруҳлар қўллаган қурол омборларига зарба берган.
Муаллиф: Арсен Утешев
