Исроил пойтахтида учта автобус портлади

ASTANА. Кazinform — Тель-Авив жанубидаги Бат-Ям шаҳрида учта автобус портлаб кетди ва расмийлар буни эҳтимолий теракт сифатида текширмоқда.

BBCнинг таъкидлашича, дастлабки маълумотларга кўра, қурбонлар йўқ.

Яна иккита автобусда портловчи мосламалар топилган.

Исроил оммавий ахборот воситаларининг хабар беришича, транспорт вазири Мири Регев ҳар бир машинада портловчи моддалар бор-йўқлигини текшириш учун барча автобус ва темир йўл қатновини тўхтатишни буюрган.

Полиция матбуот котиби Ари Дороннинг 12-каналга айтишича, полиция ҳудудни текширишда давом этмоқда ва жамоатчилик ҳар қандай шубҳали пакет ёки буюмларга эҳтиёткорлик билан ёндошишлари керак.

— Яхшиямки, террорчилар таймерни нотўғри вақтга қўйган бўлиши мумкин, — деди у автобусдаги портлашлар ҳақида. — Лекин ҳукм чиқаришга ҳали эрта.

Ижтимоий тармоқларда жойлаштирилган кадрларда камида битта автобус ёнаётгани, ундан тутун чиқаётганини кўриш мумкин.

Мудофаа вазири Исраэль Кац Ғарбий Соҳилдаги қочқинлар лагерларидаги операцияларни “кучайтириш”ни буюрганини айтди.

Бош вазир Биньямин Нетаньяху идораси томонидан тарқатилган баёнотда айтилишича, бош вазир воқеа ҳақида хабардор қилинган.

Расмийлар аҳолини Бат-Ямга ташриф буюришдан қочишга ва шубҳали нарсалар топилган тақдирда ҳушёр бўлишга чақирмоқда.

Эслатиб ўтамиз, аввалроқ Исроил бош вазири БАПОР фаолиятини тақиқловчи қонунни зудлик билан амалга оширишни буюргани ҳақида хабар берган эдик.