Ироқда намойишчилар парламентга бостириб киришди

BAGDAD. Кazinform – Чоршанба куни шиа етакчиси Муқтада ас-Садрнинг юзлаб тарафдорлари Бағдоддаги қаттиқ қўриқланадиган «яшил ҳудуд»га кириб, парламент биносини эгаллаб олди, деб хабар беради Кazinform ВВС агентлигига таяниб.

Ас-Садр Муқтада тарафдорлари унинг рақиби Муҳаммад ал-Суданийни Эрон бош вазири этиб тайинлаш режасига қарши норозилик билдирмоқда.

27 июл куни Ироқ ўзининг антирекордини янгилади, яъни 290 кун давомида тўлиқ ҳукумат тузилмаган. Аввалги рекорд 289 кун бўлиб, 2010 йилда ўрнатилган эди.

Ўтган тўққиз ой муқаддам ўтган октябрда ўтказилган сайловларда ас-Садр бошчилигидаги Садрчилар ҳаракати нисбий кўпчилик овозни қўлга киритган, бироқ барча шиа ва курд фракциялари муросага кела олмагани учун янги вазирлар маҳкамасини шакллантириш бўйича музокаралар ҳали ҳокимиятга келмаган.

Парламент биноси Бағдоднинг кучли қўриқланадиган машҳур «яшил ҳудуд»да жойлашган. Полиция кўздан ёш оқизувчи газ ва сув пуркаганига қарамай, хавфсизлик кучлари садристлар гуруҳини тўхтата олмади.

Ўшанда парламент биносида бирорта ҳам депутат йўқ эди.

Сайловдан кейин 9 ойдан бери алмаштирилишини кутаётган Бош вазир вазифасини бажарувчи Мустафо ал-Қадимий намойишчиларни бинони тарк этишга чақирди, бироқ садристлар унга эътибор бермай, шовқин кўтаришда, байроқларни силкитишда ва қўшиқ айтишда давом этди.

Мамлакатда тўлақонли ҳукуматнинг йўқлиги Ироқни бу йил тасдиқланган бюджетсиз, инфратузилма лойиҳалари ва ислоҳотлар учун маблағсиз қолдирди.

Муқтада ас-Садр тарафдорлари 2016 йилги тартибсизликлар пайтида парламентга киришга муваффақ бўлган эди. 2019 йилда Ироқда коррупция, ишсизлик ва қашшоқликка қарши оммавий норозилик намойишлари авж олгани сабабли, бундан ҳам жиддийроқ тартибсизликларда юзлаб одамлар ҳалок бўлди.

Фото: bbc.com