Инқирозга қарши чора-тадбирлар бўйича штаб: Қозоғистонда қурилиш материаллари нархи барқарорлашди

NUR-SULTAN. Кazinform - Қозоғистон Бош вазири Алихан Смаилов раислигида Инқирозга қарши чоралар бўйича штабнинг навбатдаги йиғилиши бўлиб ўтди. Йиғилишда қурилиш индустриясини ривожлантириш масалалари кўриб чиқилди, дея хабар беради Кazinform primeminister.kzга таяниб.

Индустрия ва инфратузилмаларни ривожлантириш вазири Қ. Ўскенбаевнинг айтишича, жорий йилда Қозоғистонда 15,1 миллион квадрат метр уй-жой қурилиши кутилмоқда. 492 миллиард тенге уй-жой қуриш ва имтиёзли кредитлар лойиҳаларини амалга оширишга, 1,4 триллион тенге муҳандислик-транспорт инфратузилмасини ривожлантиришга йўналтирилади.

Шунингдек, қурилиш материаллари нархларининг барқарорлашуви кузатилмоқда, хусусан, арматура нархи 3 фоизга, газ блоги нархи 3 фоизга, шиша нархи 17,6 фоизга пасайган.

Ишбилармон доиралар билан биргаликда давлат харидлари ва тижорат уй-жойларини ривожлантириш бўйича тезкор ва тизимли чора-тадбирлар ишлаб чиқилмоқда.

Қурилиш жараёнларини бошқариш механизмини (қурилишга рухсат бериш, архитектура-режалаштириш топшириқларини бериш ва эскиз лойиҳасини тасдиқлаш) қайта кўриб чиқиш ва бошқа долзарб масалаларга алоҳида эътибор қаратилди.

21 март куни тезкор штабнинг навбатдаги йиғилиши бўлиб ўтади.