Индонезияда кучли зилзила юз берди

ASTANА. Кazinform – Индонезияда 5,5 магнитудали зилзила қайд этилди. Бу ҳақда Европа-Ўрта ер денгизи сейсмологик маркази (EMSC) сайтида маълум қилинди, деб ёзади Oxu.Az.

— Зилзила эпицентри Соронг шаҳридан 295 километр жанубда жойлашган. Зилзила ўчоғи 34 километр чуқурликда жойлашган. Қурбонлар ва вайроналар ҳақида маълумот йўқ, — дейилади баёнотда.

Эслатиб ўтамиз, кеча Япониянинг Нагано префектурасида 5 магнитудали зилзила содир бўлган эди. Цунами хавфи йўқ экани маълум қилинди.