Ҳиндистоннинг Мьянма билан чегарасида миллатлараро тўқнашувлар оқибатида 130 киши ҳалок бўлди
Ҳиндистон бош вазири Нарендра Моди ижтимоий тармоқларда икки аёлнинг гуруҳ бўлиб зўрланиши акс этган видео тарқалгач, шимоли-шарқидаги Манипур штатида икки ойдан ортиқ давом этаётган миллатлараро можаро ҳақида фикр билдирди. Бу расмийлар штатда интернетни тўсиб қўйганига ва у ерга мухбирларни юбормаганига қарамай содир бўлди.
«Манипур воқеаси ҳар қандай цивилизациялашган жамият учун шармандали ҳолат. Фуқароларни ишонтириб айтмоқчиманки, айбдорлар жавобсиз қолмайди. Қонун бор кучи билан бирин-кетин қадам ташлайди. Манипур қизлари билан содир бўлган воқеани ҳеч қачон кечириб бўлмайди», – деди Н.Моди.
Манипурдаги можаролар Ҳиндистон ҳукумати маҳаллий ҳинду Мейтей қабиласига расман тан олинган мақом бериш режасини эълон қилганидан кейин бошланди: бу жамоат аъзоларига ҳукумат лавозимлари ва таълимдаги улушни кафолатлайди, шунингдек, уларга Куки насронийлари яшайдиган тоғли ҳудудларда ер сотиб олишга рухсат берилади. Куки насронийлари, ўз навбатида, ота-боболаридан қолган ерларини йўқотишдан қўрқишади.
Май ойининг бошида рақиб қабилалар қўшинлар тузиб, қишлоқларни талон-тарож қилди, уйларни ёқиб юборди.
Тўқнашувлар бошланганидан бери камида 130 киши ҳалок бўлган.
