Ҳиндистоннинг «Док-1 макс» сиропи Ўзбекистонда 65 боланинг ҳаётига зомин бўлди - Олий суд

ТASHKENT. Кazinform - Бугун Тошкент шаҳар судида болаларнинг ҳинд йўтал сиропи «Док-1 Макс»дан ўлими юзасидан жиноят иши бўйича очиқ суд мажлиси бошланди, деб хабар беради Кazinform мухбири.

Ўзбекистон Олий судининг маълум қилишича, «Док-1 Макс» жиноят иши бўйича тасдиқланган айблов хулосасига кўра, содир этилган жиноятлар оқибатида 65 нафар ёш бола ҳалок бўлган.

Судга аввалроқ ҳиндистонлик Quramax Medical дори воситаларини олиб кирувчи ва тарқатувчи компания ходимлари ҳамда Дори воситалари, тиббиёт буюмлари ва тиббиёт техникасини экспертиза ва стандартлаштириш давлат маркази мансабдор шахслари бўлган 21 нафар айбланувчи иштирок этади. Жумладан, Quramax Medical компаниясига раҳбарлик қилган ҳиндистонлик 51 ёшли С.Р.П. ва ҳибсга олингунга қадар бир вақтнинг ўзида Ўзбекистон Фармацевтика саноатини ривожлантириш агентлиги ҳамда Давлат экспертиза ва стандартлаштириш марказига раҳбарлик қилган 41 ёшли С.К.

Айбланувчилар Жиноят кодексининг 184-моддаси (солиқлар ёки йиғимларни тўлашдан бўйин товлаш), 186-моддаси (стандарт бўлмаган ёки қалбакилаштирилган дори воситалари ёки тиббиёт буюмларини сотиш ёки сотиш мақсадида ишлаб чиқариш, тайёрлаш, сотиб олиш, сақлаш, ташиш, дори воситалари ёки тиббиёт буюмларини ҳудуддан ташқарида сотиш) дорихоналар ва уларнинг филиаллари, шунингдек, рецепт бўйича, таркибида кучли таъсир кўрсатадиган моддалар бўлган дори воситаларини чакана сотиш тартибини бузиш), 205-моддаси (ҳокимият ёки мансаб ваколатларини суиистеъмол қилиш), 207-моддаси (хизмат ваколатларини бепарволик), 209-моддаси (ўзбошимчалик билан сохталаштириш), 210-моддаси (пора олиш), 211-моддаси ( пора бериш), 212-моддаси (пора беришда воситачилик қилиш) ва 228-моддаси (ҳужжатлар, штамплар, муҳрлар, бланкаларни тайёрлаш, қалбакилаштириш, уларни сотиш ёки улардан фойдаланиш) бўйича айбланмоқда.

Аввалроқ 22 декабрь куни 15 нафар боланинг ўлими ҳақидаги хабарлар туфайли Ўзбекистонда грипп ва шамоллаш учун ҳиндистонлик «Док-1 макс» препаратини сотиш вақтинчалик тақиқлангани ҳақида хабар берилган эди. 27 декабрь куни Ўзбекистон Соғлиқни сақлаш вазирлиги «Док-1 макс» препаратини қабул қилган 18 нафар боланинг ўлимини тасдиқлаган текширув натижаларини эълон қилди.

Мадибек Жанибеков