Илон Маскнинг 14-фарзанди туғилди
ASTANА. Кazinform — Илон Маск яна ота бўлди. Унинг Селдон Ликург исмли ўғли туғилди. Бу ҳақда BILD газетаси хабар берди.
Боланинг онаси — SpaceX ва Neuralink компанияларининг собиқ ходими Сиобхан Зилис. Машҳур миллиардер у билан учта фарзандни тарбияламоқда.
Зилис Х ижтимоий тармоғидаги постида учинчи фарзандининг исмини эълон қилди.
Яқинда бир ёшга тўлган қизнинг исми — Аркадия. Яна бир ўғил ҳақидаги хабар блогер Эшли Сент Клэр яқинда Маск билан R.S.C исмли ўғил туғилгани ҳақида эълон қилганидан икки ҳафта ўтиб пайдо бўлди. Тадбиркорнинг ўзи буни тасдиқламаган бўлса-да, суд уни васийлик масаласи бўйича суд мажлисида иштирок этишни буюрган.
Маск тўртта аёлдан камида 14 нафар фарзанднинг отаси бўлган. Унинг канадалик ёзувчи Жастин Маск билан никоҳидан туғилган биринчи фарзанди гўдаклигида вафот этган. Кейинчалик эр-хотин эгизак ва уч эгизакни дунёга келтирди. Миллиардернинг қўшиқчи Гримесдан яна учта фарзанди бор, улар орасида машҳур X Æ A-Xii ҳам бор.
Эслатиб ўтамиз, аввалроқ Канадада Илон Маскни фуқароликдан маҳрум этиш талаби билан петиция бошлангани ҳақида хабар берган эдик.
