Илон Маск компанияси инсон миясига Neuralink имплантини ўрнатди
“Биринчи Neuralink имплантаси инсон миясига ўрнатилди ва унинг тикланиши [операциядан сўнг] яхши кетмоқда”, – деб ёзди Маск ўзининг Х (собиқ Twitter) ижтимоий тармоқдаги саҳифасида.
Тадбиркорнинг сўзларига кўра, Neuralinkнинг биринчи маҳсулоти Telepathy деб аталади. Бу чип ногиронларга ўз фикрлари билан телефон ва компьютерларини бошқариш имконини беради.
“Ушбу чипнинг биринчи фойдаланувчилари оёқ-қўлларини бошқариш қобилиятини йўқотган одамлар бўлади”, – деди Маск.
Унинг сўзларига кўра, ушбу қурилма ёрдамида имконияти чекланган инсонлар ўз фикрларини тез ифода этишлари мумкин бўлади.
“Тасаввур қилинг, Стивен Хокингнинг тез ёзув машинкасидан ҳам тезроқ гапиради. Ажойиб эмасми?! Биз бу мақсадга эришиш ниятидамиз”, – деб ёзади миллиардер.
Маск 2016 йил июль ойида Neuralink стартапига асос солган бўлиб, у келажакда инсон миясига жойлаштирилиши мумкин бўлган чипларни ишлаб чиқмоқда.
Тадбиркорнинг сўзларига кўра, бундай нейроинтерфейслар инсонга сунъий интеллектга қаршилик кўрсатишга қодир киборгга айланиш имконини беради, шунингдек, фикр кучи ёрдамида компьютерни бевосита бошқаришни ўрганишга ёрдам беради.
