Ҳусийлар БМТ самолётининг Яманга киришига рухсат бермади

ASTANA. Kazinform – Яманнинг “Ансор Аллоҳ” исёнчи ҳаракатининг ҳусийлари Яман шарқидаги Мариб провинцияси аэропортига БМТ самолётининг қўнишига тўсқинлик қилди, деб хабар беради Каzinform агентлиги ТАSSга таяниб.

Ҳусийлар жаҳон ташкилоти самолётининг Мариб вилоятига қўнишига иккинчи бор рухсат беришмади.

Аввалроқ ҳусийлар Бирлашган Миллатлар Ташкилотининг АҚШ ва Британия фуқароларидан иборат ходимларига Яманнинг Ансор Аллоҳ назорати остидаги ҳудудларини озод қилиш учун бир ой муддат бергани хабар қилинганди.

Исроил ва Фаластин ўртасидаги можаро пайтида Яман ҳусийлари Европа ва Осиё ўртасидаги асосий савдо йўлини тўсиб қўйишди. Бу йўл орқали ўтадиган товарлар жаҳон савдосининг 15% ни ташкил қилади. Ҳозирча на Америка ракеталари, на Британия ҳарбий кемалари денгиз тўсиғини бузиб ўта олмади.

“Исроил ва Фаластин ўртасидаги можаро шароитида Яман ҳусийлари Европа ва Осиё ўртасидаги асосий савдо йўлини тўсиб қўйишди ва ҳозирча ҳеч нарса – на Америка ракеталари, на Британия фрегатлари – денгиз йўли блокадасини олиб ташлашга ёрдам бермайди, бу тахминан жаҳон савдосининг 15% ни ташкил қилади”, – дейилади хабарда.

Нью-Йорк Таймс газетаси Яманнинг Ансоруллоҳ ҳужумининг Қизил денгиздаги кемаларга таъсири харитасини чоп этди.

Расмда кўрсатилганидек, ҳусийлар ҳужумидан олдин кемалар ҳаракати яшил ранг билан, ҳужумдан кейинги кемалар эса бинафша ранг билан белгиланган.

Бир ҳафта олдин АҚШ ва Буюк Британия ҳаво ва ҳарбий кемалари Ямандаги ҳусий исёнчи гуруҳига зарба беришни бошлади.