Хусийлар Аден кўрфазида АҚШ танкерига ҳужум қилди

ASTANA. KAZINFORM - Хусийлар Араб денгизидаги Аден кўрфазида АҚШнинг Chem Ranger танкерига ҳужум қилди, дея хабар беради Kazinform агентлиги Al Masirahга таяниб.

Chem Ranger танкери Маршалл ороллари байроғи остида сузган. Ракеталар кемага тегмади ва у ўз йўналишини давом эттирди.

АҚШ ва Британия самолётлари ва ҳарбий кемалари бир ҳафта олдин Ямандаги хусийлар исёнчи гуруҳига зарба беришни бошлади, улар Эрон кўмагида яқинда Қизил денгиздаги савдо кемаларига ҳужум қила бошладилар ва Фаластин халқи билан бирдамлик билдирдилар.

Биз аввалроқ хусийлар кимлиги ва нима учун улар Исроилга кетаётган кемаларга ҳужум қилишлари ҳақида хабар берган эдик.

Япониянинг йирик юк ташувчи компаниялари минтақадаги вазият ёмонлашгани сабабли Қизил денгиз орқали юк ташишни бутунлай тўхтатди.