Хоккей: «Барс» Блинов турнирида иккинчи марта ғалаба қозонди

ASTANA. Кazinform – Қозоғистоннинг «Барс» жамоаси Россиянинг Омск шаҳрида хоккей бўйича ўтказилаётган Блинов турнирида иккинчи ғалабасини қўлга киритди, деб хабар беради Кazinform мухбири.

Бу сафар пойтахт клуби Омскнинг «Аванград» жамоасига қарши ўйнади.

Учрашувда Россия клубидан Рид Буше 17-секундда ҳисобни очди. Шундан сўнг «Барс»дан 19-дақиқада Кирилл Савицкий 6 та, Самат Данияр 2 та гол уришга муваффақ бўлди.

Иккинчи бўлимнинг 24-дақиқасида «Аванград» хоккейчиси Либор Шулак ҳисобдаги фарқни қисқартирди.

Учинчи бўлимда эса қозоғистонлик Райли Барбер 45 ва 58-дақиқаларда иккита гол муаллифига айланган бўлса, 59-дақиқада россиялик хоккейчи Иван Николишин якуний ҳисобни қайд этди.

Шу тариқа, «Барс» рақибини 4:3 ҳисобида мағлуб этиб, турнирдаги иккинчи ғалабасини қўлга киритди.

Эслатиб ўтамиз, бунгача «Барс» Россиянинг «Локомотив» (Ярославль) жамоаси устидан ғалаба қозонган эди.

Энди 25 август куни соат 11:00да пойтахт клуби Ниженкамскнинг «Нефтехимик» жамоаси билан куч синашади.

Муаллиф: Адилжан Умбет