Хитойнинг CМC корпорацияси Қозоғистонда энергетика лойиҳаларини амалга оширишдан манфаатдор

ASTANА. Kazinform – ҚР Бош вазири Алихан Смаилов ва China National Machinery Import & Export Corporation (CMC) (CМC) вице-президенти Чжао Чжэнсян энергетика соҳасида қўшма лойиҳаларни амалга ошириш масалаларини муҳокама қилди, дея хабар беради Кazinform Қозоғистон Республикаси Ҳукумати матбуот хизматига таяниб.

Ҳукумат раҳбари Қозоғистон яқин йилларда ўз энергетика тизимини унификация қилишни якунлаш, иқтисодиёт ва аҳолининг электр энергиясига бўлган эҳтиёжини тўлиқ қоплашни режалаштираётганини таъкидлади. Хусусан, шу мақсадда республика электроэнергетикасини ривожлантиришнинг тегишли Концепцияси қабул қилинди.

Ҳозирда мавжуд электр станцияларини модернизация қилиш бўйича лойиҳалар амалга оширилмоқда, бу эса 2027 йилгача 1700 МВт дан ортиқ қувватни ишга тушириш имконини беради. Жорий йилда Екибастуз ГРЭС-1 да №1 энергоблокни қайта тиклаш ишлари якунланади, бу эса яқинлашиб келаётган куз-қиш мавсумида қўшимча 500 МВт қувват беради.

Шу билан бирга, Кўкшетау ва Семей шаҳарларида янги иссиқлик электр станцияларини қуриш режалаштирилган. Миллий электр тармоқларини модернизация қилиш ишлари олиб борилмоқда. Шунингдек, жорий йилда Ғарбий энергетика зонаси электр тармоқларини мустаҳкамлаш лойиҳасини ниҳоясига етказиш режалаштирилган бўлиб, Жанубий зона электр тармоқларини мустаҳкамлаш лойиҳаси ишлаб чиқилмоқда.

«СМС Қозоғистонга сармоя киритиш бўйича тажрибага эга. Биз компаниянинг энергия лойиҳаларида иштирок этиш орқали ўз иштирокини кенгайтириш ниятини олқишлаймиз», — деди Алихан Смаилов.

Ўз навбатида, Чжао Чжэнсян China National Machinery Import & Export Corporation (CMC) ўзаро манфаатли шартларда қўшма лойиҳаларни ишлаб чиқиш ва умуман мавжуд ҳамкорликни мустаҳкамлашга тайёрлигини таъкидлади.

«Биз ҳамкорларимиз билан батафсил музокаралар олиб бордик ва молиявий институтлар томонидан қўллаб-қувватландик. Бу бизнинг юқори қизиқишимизни кўрсатади. Бундай лойиҳалар амалга оширилган тақдирда биз Қозоғистон иқтисодиётини ривожлантиришга ҳисса қўшиш мақсадида маҳаллий пудратчилар ва етказиб берувчилар билан шартномалар тузамиз», — деди CМC вице-президенти.

China National Machinery Import & Export Corporation (CMC) фаолияти энергетика, транспорт, кўчмас мулк, кимё ва енгил саноат, инфратузилма, транспорт ва бошқаларни қамраб олади. Корхонанинг маҳсулот ва хизматлари бозори дунёнинг 160 дан ортиқ мамлакатларини ўз ичига олади.