Хитойлик олимлар якни муваффақиятли клонладилар

ASTANA. Kazinform — Хитойнинг жанубий-ғарбидаги як етиштириш базасида 10 июль куни кесарево орқали клон қилинган як дунёга келди, деб хабар берди БЕЛТА агентлиги.

Олимларнинг айтишича, янги туғилган бузоқча соғлом бўлиб, оғирлиги 33,5 килограммни ташкил этган — бу одатдаги як болаларининг вазнидан юқори ҳисобланади. 11 июль куни «Синьхуа» ахборот агентлиги мухбирлари бузоқчага сақланган жойга ташриф буюриб, унинг мустақил юраётганини ва соғлиғида муаммо йўқлигини тасдиқлашди.

Лойиҳа 2023 йил июлида Чжэцзян университети тадқиқот гуруҳи, Дамсун уези ҳокимияти ҳамда Тибет автоном вилояти Плато биология институти ҳамкорлигида амалга оширила бошланган.

Олимлар якни клонлаш учун тўлиқ геном саралаш ва соматик ҳужайраларни клонлаш технологияларидан фойдаланишган.

Тадқиқот гуруҳи раҳбари, Чжэцзян университети профессори Фан Шэнгога кўра, мазкур клонлаш технологияси як зотини яхшилаш ҳамда Тибет минтақасида тоғли чорвачилик тизимини ривожлантиришда муҳим аҳамият касб этади.