Хитойда 6,3 минг йиллик маросим болтаси топилган

Археологлар Шарқий Хитойнинг Цзянсу провинциясида ёши тахминан 6,3 минг йил бўлган, болта шаклидаги маросим тош артефактини топди, деб хабар беради Kazinform агентлиги ТАССга таяниб.

Xinhua агентлиги маълумотларига кўра, топилма Чанчжоу шаҳридаги қабрлардан бирининг қазиш жойида аниқланган. Ушбу артефакт Хитойда топилган барча тантанали тош болталарнинг энг каттаси ва энг яхши сақланиб қолгани ҳисобланади.

Бундай қадимий болталар Хитойда «юэ» деб аталади. Тахминларга кўра, улар дастлаб қурол сифатида ишлатилган, аммо бронза даврида улар турли маросимларда қўлланила бошланган.

Хитой Ижтимоий фанлар академиясининг археология институти тадқиқотчиси Ли Можанянинг сўзларига кўра, топилма 6 минг йил аввал бундай болталар қурол эмас, балки куч ва мақом рамзи бўлиб хизмат қилганини кўрсатади. Ли Можаннинг фикрича, тош болтадан ҳокимият рамзи сифатида фойдаланиш ҳам аҳолининг табақаланиш жараёни бошланганидан далолат беради.