Хитой жанубидаги кўп қаватли уйда портлаш содир бўлди

ASTANA. Kazinform – Хитой жанубидаги Гуандун провинцияси Шэньчжэнь шаҳридаги турар-жой биносида портлаш содир бўлди. Бу ҳақда «Пэнпай» нашри хабар берди.

Ҳодиса оқибатида жабрланганлар сони ҳозирча номаълум.

11 декабрь куни Шэньчжэнь туманларидан бирида фавқулодда ҳолат юз берди. Воқеа жойига 16 та махсус техника ва 80 ўт ўчирувчи етиб келган.

Нашрнинг ёзишича, ёнғин турар-жой биносининг бир неча қаватини қамраб олган.

Турар-жой мажмуаси 2017 йилда фойдаланишга топширилган. Шэньчжэннинг ушбу ҳудудида бир квадрат метр уй-жой нархи тахминан 200 000 юанни (27 000 доллардан ортиқ) ташкил қилади.

Портлаш сабабларини аниқлаш ишлари олиб борилмоқда.