Хитой стратегик минераллар устидан назоратни кучайтирди

ASTANА. Kazinform - Хитой расмийлари стратегик минералларни хорижга ноқонуний олиб чиқишнинг олдини олиш учун назоратни кучайтиришни режалаштирмоқда. Бу ҳақда Хитой Халқ Республикаси Савдо вазирлиги маълум қилди, дея хабар беради Kazinform мухбири.

— Мерал ресурсларни стратегик назорат қилиш манбадан бошланиб, бутун занжирни, жумладан, қазиб олиш, эритиш, қайта ишлаш, ташиш, сотиш ва экспортни қамраб олиши керак, — дея Хитой Савдо вазирлиги матбуот котибидан иқтибос келтирган Global Times газетаси.

Хитойнинг нодир ер минераллари бўйича экспорт назорати АҚШ мудофаа саноатига жиддий зарба бериши мумкин, деб ёзади Global Times.

Аввалроқ Global Times АҚШ оммавий ахборот воситаларига таяниб, Хитойнинг апрель ойида баъзи ўрта ва оғир минераллар, жумладан, авионика учун муҳим бўлган ресурсларга экспорт назоратини ўрнатиш тўғрисидаги баёноти АҚШнинг олтинчи авлод F-47 қирувчи самолёти лойиҳасига зарба бериши мумкинлигини таъкидлаган эди.

4 апрелдан бошлаб Хитой бир нечта ноёб металларни экспорт қилишга чекловлар киритди.

Ўшанда Хитой Савдо вазирлиги Хитой ҳукумати ноёб металларга экспорт назорати ўрнатаётгани ҳақида баёнот берган эди.

Экспортга чекловлар қўйиладиган ноёб металлар рўйхатига самариум, тербий, скандий, иттрий ва бошқа еттита метал киради.

Таъкидлаш жоизки, Хитой юқори технологияли қурилмалар ишлаб чиқаришда кенг қўлланиладиган ноёб металларни етказиб бериш бўйича дунёдаги энг йирик компаниялардан бири ҳисобланади.

Эслатиб ўтамиз, аввалроқ Хитой дастлабки тўрт ой ичида 1,4 триллион доллар янги кредитлар бергани ҳақида ёзган эдик.