Хитой хорижий компанияларга телекоммуникация хизматларидан синов тариқасида фойдаланишга рухсат беради

ASTANA. Kazinform - Хорижий компаниялар қўшимча қийматга эга телекоммуникация хизматлари соҳасида тажриба-синов операцияларини ўтказишга рухсат олди, дея хабар беради Kazinform агентлиги Синьхуага таяниб.

Хитой Саноат ва ахборот технологиялари вазирлиги Пекин, Шанхай, Шэньчжэн ва Хайнань провинциясида жойлашган 13 та хорижий инвестицион корхоналарнинг биринчи партиясига рухсатнома берди.

Вазирликнинг таъкидлашича, ушбу компаниялар ўзлари олган рухсатномаларга мувофиқ қўшимча қийматга эга телекоммуникация фаолияти, масалан, Интернетга кириш ва ахборот хизматлари билан шуғулланишлари мумкин.

Синьхуа ҳамкор агентлиги томонидан Кazinform учун махсус тақдим этилган.