Хитой ҳарбий техникасини экспорт қилиш истагини маълум қилди

ASTANА. Кazinform – Хитой Халқ Республикаси ўз ҳарбий техникасини дўст давлатлар билан бўлишишга тайёр. Бу ҳақда Хитой Халқ Республикаси Мудофаа вазирлиги расмий вакили Цзян Бинь брифинг чоғида маълум қилди.

Унинг сўзларига кўра, Хитой қурол экспортида ҳамиша масъулиятли ва жиддий сиёсат олиб борган.

— Биз Хитойнинг ҳарбий техникани ривожлантириш борасидаги ютуқларини дўст давлатлар билан баҳам кўришга, минтақавий ва глобал барқарорлик ва тинчликни таъминлашга ҳисса қўшишга тайёрмиз, — деди Цзян Бинь.

Эслатиб ўтамиз, аввалроқ АҚШ Хитой билан савдо келишувига эришгани ҳақида хабар берган эдик.