Хитой дунёдаги биринчи эриган торий тузидан ёқилғи сифатида фойдаланадиган АЭСни ишга тушириш санасини белгилади

ASTANA. Kazinform - Гоби чўлида уран ўрнига торийдан ёқилғи сифатида фойдаланадиган эриган торий тузи атом электр станцияси қурилиши бошланади. Мутахассисларнинг фикрича, бу атом энергетикасида муҳим ютуқ бўлади, деб хабар беради Кazinform агентлиги scmp.comга таяниб.

Хитойнинг Ганьсу провинциясида аллақачон дунёдаги ягона экспериментал торий реактори мавжуд. Реактор 2 МВт иссиқлик қувватига эга ва у электр энергияси ишлаб чиқармаса ҳам, реактор технологиянинг ҳаётийлигини исботлади. Унинг ёнида янги атом электр станцияси қурилмоқда. Қурилишни якунлаш ва фойдаланишга топшириш 2029 йилга мўлжалланган.

Қайд этиш жоизки, эриган торий тузидан фойдаланадиган биринчи экспериментал реактор 1960 йилларда АҚШда қурилган. Лойиҳани ишлатишнинг мураккаблиги ва қувурларнинг юқори коррозияси туфайли фойдасиз деб топилди.

Тахминларга кўра, Хитойнинг торий захираси мамлакатни 20 минг йил давомида электр энергияси билан таъминлайди.