Ҳиндистондан Қозоғистонга биринчи контейнер поезди қатнови йўлга қўйилди
ASTANA. Kazinform - “ҚТЖ” АЖ шўба корхонаси – “Кеденттранссервис” АЖ, “Ўзтемирйўлконтейнер” АЖ (Ўзбекистон) ва “ТЛЦТ” АЖ (Туркманистон) Мундра (Ҳиндистон) портидан Астана (Қозоғистон) Сороковая станциясига керамик плиткалар солинган 12 та йигирма футлик контейнерларни жўнатишни ташкил этди. Бу ҳақда Kazinform агентлиги ҚТЖ матбуот хизматига таяниб хабар беради.
Поезд Эрон, Туркманистон, Ўзбекистон ва Қозоғистон ҳудудлари орқали ўтади. Йўналиш узунлиги денгиз орқали 1585 км, темир йўлда 4300 км. Етказиб бериш муддати, Бандар-Аббос (Эрон) портининг тирбандлигига қараб, тахминан 25-30 кунни ташкил этади.
“Шимол-Жануб” йўлагининг шарқий йўналиши бўйлаб контейнер ташишни ривожлантириш доирасида юк ташиш амалга оширилмоқда. Бу йўлак етказиб бериш муддатларини, юкларни ташиш харажатларини сезиларли даражада қисқартириш ва мамлакатлар экспортчилари ва импортёрларининг имкониятларини кенгайтириш имконини беради”, - дея тушунтирди ҚТЖ.
