Гватемалада автобус кўприкдан қулаши оқибатида 50 дан ортиқ одам ҳалок бўлди

ASTANA. Kazinform - Гватемалада йўловчи автобусининг йўл ва дарёни кесиб ўтган кўприкдан жарга қулаши оқибатида камида 51 киши ҳалок бўлди, деб хабар беради Kazinform ВВСга таяниб.

Reuters хабарига кўра, гавжум автобус Сан-Агустин-Акасагуастлан шаҳридан пойтахт Гватемала шаҳрига шоссе бўйлаб ҳаракатланаётган.

Айтилишича, ҳайдовчи автобус бошқарувини йўқотиб, бошқа машиналар билан тўқнашиб кетган.

Ижтимоий тармоқларда ёнғин хавфсизлиги хизмати томонидан эълон қилинган суратларда автобуснинг қисман сувга ботгани, қурбонларнинг жасадлари атрофида ётганини кўриш мумкин.

Гватемала мэри Рикардо Киньонес ижтимоий тармоқ орқали воқеа жойига фавқулодда хизматлар жўнатилгани ва йўл полицияси воқеа содир бўлган ҳудудда муқобил йўналишлар яратиш устида иш олиб бораётганини айтди.

Ўт ўчирувчиларнинг журналистларга айтишича, автобус вайроналари остида қолган одамларни қутқариш ишлари олиб борилмоқда.

Маҳаллий матбуотнинг ёзишича, ҳодиса оқибатида 36 нафар эркак ва 15 нафар аёл ҳалок бўлган. Қанча йўловчининг қутқарилгани ҳозирча номаълум. 

Гватемала президенти Бернардо Аревало уч кунлик миллий мотам эълон қилди ва ҳалок бўлганларнинг яқинларига ҳамдардлик билдирди.

Equipo @muniguate apoyando, rescatan heridos.#TraficoGT https://t.co/5inIZbmZSm pic.twitter.com/nXNyUwpD7s

— PMT Ciudad de Guatemala (@PMTMuniGuate) February 10, 2025