Google ходимларни ёллаш жараёнида инклюзивликдан воз кечади - ОАВ

ASTANА. Кazinform – Бу қарор йиллик корпоратив сиёсатни кўриб чиқишдан сўнг қабул қилинди, деб ёзади BBC.

Google янги ходимларни ёллаш жараёнида ўзининг хилма-хиллик, тенглик ва инклюзия (DEI) сиёсатидан воз кечган яна бир АҚШ компаниясига айланди. Улар бу борадаги бошқа ташаббусларини ҳам қайта кўриб чиқмоқда.

— Биз барча ходимларимиз муваффақият қозониши ва тенг имкониятларга эга бўлиши мумкин бўлган иш жойини яратишга интиламиз, — деди Google вакили.

2021 йилдан 2024 йилгача компания DEI қоидаларини ўз ишининг ажралмас қисмига айлантириш мажбуриятини олди. Бироқ, компаниянинг чоршанба куни эълон қилинган сўнгги ҳисоботида бу қоида умуман йўқ.

Google ўзининг хилма-хиллик сиёсатининг йўналишини ўзгартирган яна бир йирик корпорацияга айланди. Meta, Amazon, Pepsi, McDonald’s, Walmart ва бошқалар олдин DEI дастуридан воз кечган.

АҚШ президенти Дональд Трамп ва унинг тарафдорлари DEI сиёсатини доимий равишда танқид қилиб келади. Икки ҳафта олдин Оқ уйга қайтганидан бери Трамп бундай ташаббусларни давлат идораларидан олиб ташлашни буюрди.

Ўтган ҳафта АҚШ президенти Вашингтондаги самолёт ҳалокатига DEI сиёсати сабаб бўлиши мумкинлигини айтди.

Эслатиб ўтамиз, аввалроқ Googleнинг собиқ муҳандиси хитойга жосуслик қилганликда айбланаётгани ҳақида хабар берган эдик.