22:41, 20 Сентябрь 2022 | GMT +5
Глобал тўсиқ ва мувозанатлар тизими барқарорликни сақлай олмади - Тоқаев
ASTANA. Kazinform - Қозоғистон Республикаси Президенти Қасим-Жомарт Тоқаев Бирлашган Миллатлар Ташкилоти Бош Ассамблеясининг 77-сессиясидаги нутқида дунёдаги геосиёсий вазиятнинг беқарорлигидан хавотир билдирди, деб хабар бермоқда Kazinform мухбири.
«Бугун биз инсоният учун ниҳоятда муҳим бир пайтда БМТнинг марказий муассасаларида йиғилишлар ўтказмоқдамиз. Бугунги дунё геосиёсий қарама-қаршиликнинг янада шиддатли даврига дуч келмоқда. Кўп йиллик тартиб ва масъулиятга асосланган халқаро тизим ўз ўрнини янги, тартибсиз ва олдиндан айтиб бўлмайдиган халқаро тизимга бўшатиб бермоқда»
, — деди Давлат раҳбари.
Унинг қайд этишича, ҳозирги тизим дунёда барқарорликни сақлаб қолиш учун етарли бўлмаяпти.
«Глобал тўсиқ ва мувозанатлар тизими тинчлик ва барқарорликни сақлаб қола олмади. Хавфсизлик архитектураси парчалана бошлади. Глобал кучлар ўртасидаги ўзаро ишончсизлик хавфли даражага қадар чуқурлашмоқда. Дунё янги ҳарбий можаролар қурбонига айланмоқда»
, — деди Президент.
Муаллиф: Есимжан Нақтибай
