Германияда жазирама кутилмоқда
ASTANA. Kazinform – Франция, Испания ва Буюк Британияни қамраб олган жазирама Германияга ҳам етиб келди. Синоптикларнинг прогнозларига кўра, 2 июль куни ҳаво ҳарорати энг юқори чўққисига кўтарилиб, Германия жанубида 40°С атрофида, мамлакатнинг бошқа ҳудудларида эса 35°С ва ундан юқори даражага етади, деб хабар беради DW.
30 июнь куни Испания ва Португалия чегарасида жойлашган Эл-Гранадо шаҳрида ҳаво ҳарорати +46°С гача кўтарилди. Бу Испанияда ёзнинг биринчи ойи учун қайд этилган энг юқори кўрсаткичдир. Мамлакатнинг бир қанча вилоятларида қизил огоҳлантириш даражаси эълон қилинди.
Ушбу рекорд даражадаги жазирама фонида Севильяда БМТнинг тараққиётни молиялаштириш бўйича конференцияси бўлиб ўтди. Унда БМТ Бош котиби Антониу Гутерриш ҳам иштирок этди.
“Иссиқлик тўлқинлари энди кам учрайдиган ҳодиса эмас - улар янги одатий ҳолга айланди. Сайёра тобора иссиқ ва хавфлироқ бўлиб бормоқда – ҳеч бир давлат бу таҳдиддан ҳимояланмаган”, – деб ёзди у Х платформасида. Гутерриш иқлим ўзгаришига қарши дадил ҳаракат қилишга чақирди.
Францияда 400 гектар ўрмон ёниб кетди
Ўртаер денгизининг жануби-ғарбий соҳилидаги Окситания ҳудудида ҳаддан ташқари иссиқлик туфайли юзага келган ўрмон ёнғини 400 гектар майдонни кулга айлантирди. Париж ва бошқа 15 департаментда 1 июль, сешанба куни қизил огоҳлантириш даражаси эълон қилинади.
Франция энергетика вазири Аньес Панье-Рюнаше мамлакатдаги об-ҳавони “мисли кўрилмаган” деб атади.
Энг иссиқ Уимблдон
30 июнь куни Лондонда +30°С ҳароратда машҳур Катта дубулға теннис турнири Уимблдон бошланди. Бу мусобақа тарихидаги энг иссиқ очилиш куни бўлди.
Аввалроқ Дунёдаги энг қуруқ чўлда қор ёғдигани ҳақида ёзган эдик.
