Германияда 11 та аэропортдаги иш ташлаш туфайли 1100 та рейс бекор қилинади

ASTANA. Kazinform - Германиядаги Ver.di касаба уюшмаси йўловчи ва багаж назорати учун масъул бўлган аэропорт ходимларининг иш ҳақини оширишни талаб қилмоқда. DW маълумотларига кўра, бир кунлик иш ташлаш камида 200 минг йўловчига таъсир ўтказади.

"1 февраль, пайшанба куни Германияда камида 1100 та рейс бекор қилинади, бу 200 мингга яқин йўловчининг парвозига таъсир қилади", - дейлади Германия аэропортлари ADV ассоциацияси хабарида.

Бунга Ver.di. касаба уюшмаси томонидан ташкил этилган аэропорт хавфсизлик ходимларининг бир кунлик огоҳлантириш норозилиги сабаб бўлди.

Иш ташлаш мамлакатнинг 11 та аэропортида бўлиб ўтади: Франкфурт-на-Майн, Гамбург, Берлин, Дюссельдорф, Кельн, Штутгарт, Бремен, Ганновер, Лейпциг, Дрезден ва Эрфурт. Мюнхен ва Нюрнберг аэропортлари иш ташлаш таъсири остида бўлмаган, бироқ бу шаҳарларга барча рейслар бекор қилинади.

Иш ташловчилар иш ҳақини ошириш ва иш вақти учун қўшимча ҳақ тўлашни талаб қилмоқда. Иш ташлашда йўловчилар, багаж ва ходимларни назорат қилувчи 25 минг аэропорт ходими иштирок этди.

Ver.di касаба уюшмаси ҳаво хавфсизлиги ва хавфсизлик компаниялари федерал иттифоқи BDLS билан жанжаллашиб, иш ташловчиларнинг иш ҳақини соатига 2,80 еврога оширишни, қўшимча иш, тунги, дам олиш кунлари ва байрамлар учун қўшимча тўловлар амалга оширишни талаб қилмоқда.