Геннадий Головкин ҚР Миллий олимпия қўмитаси президенти этиб сайланди
ASTANА. Кazinform - Жаҳонга машҳур профессионал боксчи Геннадий Головкин Қозоғистон Миллий олимпия қўмитаси президенти этиб сайланди. У бу лавозимда Тимур Қулибаев ўрнини эгаллади. Бу ҳақдаги қарор бугун МОҚ Бош ассамблеяси йиғилишида қабул қилинди.
Спорт оламида GGG лақаби билан танилган Геннадий Головкин ҳам ҳаваскор, ҳам профессионал боксдаги жанговар характери ва ўзига хос услуби билан миллионлаб мухлисларнинг севимли спортчисига айланди.
“Отам - рус, онам - корейс, мен эса қозоқман” деган Геннадий Головкин 1982 йил 28 февралда Қарағанди шаҳрида туғилган. У яшаган Майқудиқ тумани ўша пайтда жиноят авж олган хавфли ҳудуд ҳисобланган. Ёш Генанинг спорт билан шуғулланишининг сабаби шу.
У ҳаваскор боксда 350 та жанг ўтказиб, уларнинг 345 тасида ғалаба қозонган. У ҳеч қачон нокаут тугул, нокдаунга тушмаган. Геннадий ҳаваскор бокс бўйича Осиё ва жаҳон чемпионлигини қўлга киритди. Бироқ, у Олимпия чемпиони бўла олмади, кумуш медаль билан кифояланди. Бу 2004 йилда Афинада бўлиб ўтган Олимпия ўйинлари эди. Головкин ушбу ёзги ўйинларга 69 кг вазн тоифасида бориши керак эди, бу вазн эса Қозоғистонга ҳар доим олтин медаль келтирди. Аммо у 75 кггача кўтарилди ва 69 кгда мамлакат шарафини Бахтияр Артаевга ҳимоя қилди. Ушбу олимпиадада Бахтияр Артаев чемпион, Геннадий Головкин кумуш медаль соҳибига айланди. Бироқ, ушбу жанг атрофида ҳали ҳам кўп тортишувлар мавжуд. Кўпчилик Геннадий ўшанда россиялик Гайдарбек Гайдарбековга ютқазмаганини айтади. Генанинг ўзи ҳам ўша жангда ютқазмаганига амин.
“Осиё ва Жаҳон ўйинлари чемпиони бўлдим. 2004 йили Афинада бўлиб ўтган Олимпия ўйинларининг олтин медалига муносиб бўлганимга ишонаман. Ўша пайтдаги воқеа ҳаваскор боксдан бутунлай ҳафсаласи пир қилди”, — деди спортчи L'Equipe нашрига берган интервьюсида.
Орадан бир йил ўтиб Геннадий Головкин ҳаваскор спорт билан хайрлашиб, профессионал боксга юзланди.
Геннадий Головкиннинг ҳаваскор боксдаги ютуқлари:
2000 йил - ярим ўрта вазнда ўсмирлар ўртасидаги жаҳон чемпионати чемпиони;
2001 йилда - ярим ўрта вазнда Шарқий Осиё ўйинлари чемпиони;
2002 йилда - Астана шаҳрида бўлиб ўтган бокс бўйича жаҳон чемпионати чемпиони;
2002 йилда - Осиё ўйинлари чемпиони;
2003 йилда - Бангкокда бўлиб ўтган жаҳон чемпионати чемпиони;
2004 йил - Осиё чемпионати чемпиони;
2004 йилда - Афинадаги Олимпия ўйинларининг кумуш медали совриндори.
Геннадий Головкин 2005 йилдан буён профессионал боксда 45 та жанг ўтказган.
У 37 учрашувни нокаут билан якунлади, битта жангда дуранг қайд этди ва иккита тангда очколар ҳисобида мағлуб бўлди.
У профессионал боксдаги дебютини 2006 йилнинг май ойида Габор Балогга қарши ўтказиб, рақибини биринчи раундда нокаутга учратди. Шундан сўнг Генанинг юлдузли лаҳзалари туғилди.
Ўрта вазн тоифасида WBA чемпионлик камарини 8 марта, ўрта вазн тоифасида IBO чемпионлигини 5 марта ҳимоя қилган. Шунингдек, у ўрта вазн тоифасида нокаут бўйича 89 фоизлик улуши билан профессионал бокс тарихида биринчи ўринни эгаллади.
Геннадий Головкин спорт фаолияти давомида иккинчи ўрта вазн тоифасида мутлақ чемпион Сауль Альварес билан уч марта учрашган.
Ёдингизда бўлса, 2017 йилнинг сентябрида Головкин ва "Канело" ўртасидаги баҳс дуранг билан якунланганди. Орадан бир йил ўтиб, яъни 2018 йилнинг сентябрида Сауль Альварес ҳакамлар қарори билан Гена устидан ғалаба қозонди. Икки спорт юлдузи ўртасидаги учинчи учрашув ҳам қозоғистонлик боксчи фойдасига ҳал бўлмади.
