Ғазода ҳалок бўлган фаластинликлар сони 39 минг 480 нафарга етди

ASTANA. Kazinform – Сўнгги 24 соат ичида Исроил армиясининг ҳужуми натижасида анклавнинг яна 35 нафар фуқароси ҳалок бўлди, деб ёзади Anadolu.

Фаластиннинг Ғазо секторидаги Соғлиқни сақлаш вазирлиги, 2023 йилнинг 7 октябридан бери давом этаётган Ғазо секторидаги Исроил ҳужумлари натижасида ҳалок бўлган фаластинликлар сонининг 39 минг 480 нафарга етганини маълум қилди.

Сўнгги 24 соат ичида Исроил армиясининг ҳужумлари натижасида анклавнинг яна 35 нафар фуқароси ҳалок бўлди, 55 нафари жароҳатланди.

Ғазо Соғлиқни сақлаш вазирлиги баёнотига кўра, 7 октябрдан бери жами ярадорлар сони 91 минг 128 нафарга етди.

Ҳалок бўлганларнинг жасадлари вайрон бўлган бинолар остида ва йўл четларида ҳамон ётибди. Агентликнинг қўшимча қилишича, тез ёрдам ва фуқаролик мудофааси гуруҳлари Исроил кучларининг тўсиқлари туфайли уларга етиб бора олмаяпти.

Эслатиб ўтамиз, аввалроқ Исроил ХАМАС етакчиси Муҳаммад Дейф ўлдирилганини тасдиқлаганини ёзган эдик.

Эрон ХАМАС етакчисининг ўлимига жавобан Исроилга зарба беришни режалаштирмоқда.