Эрон ХАМАС етакчисининг ўлимига жавобан Исроилга зарба беради – The New York Times

ASTANA. Kazinform – Эрон Исроил ҳудудига ҳужум қилмоқчи. Тегишли буйруқни Эроннинг руҳий етакчиси Оятуллоҳ Али Хоманаий берди, деб ёзади New York Times.

Чоршанба куни эрталаб Теҳронда ХАМАС етакчиси Исмоил Хония ўлдирилганидан кўп ўтмай, Хаманаий Миллий хавфсизлик кенгашининг фавқулодда йиғилишида шундай буйруқ берди, деди уч нафар юқори мартабали ҳукумат амалдори, улардан икки нафари Ислом инқилоби қўриқчилари корпуси аъзоси.

Эрон Хониянинг ўлимида Исроилни айблади.

“Бу ҳаракати билан... сионистик режим қаттиқ жазога замин тайёрлаб қўйди”, — дея Irna давлат ахборот агентлиги Оятуллоҳ Хоманаийнинг сўзларидан иқтибос келтирмоқда.

Ўз навбатида Эрон президенти Масуд Пезешкян Х ижтимоий тармоғида унинг мамлакати “ҳудудий яхлитлик”ни ҳимоя қилишини ва “террорчи босқинчилар ўз қилмишларидан пушаймон бўлишини” ёзди.