Ғазо секторига гуманитар ёрдам олиб кетаётган биринчи кема Кипрни тарк этди
ASTANА. Кazinform — Сешанба куни Open Arms кемаси Кипрнинг Ларнака портидан чиқиб, ташувчи баржага ортилган 200 тонна озиқ-овқат Ғазо сектори қирғоқлари томон йўл олди.
Кема Ғазо секторига ёрдам олиб келиш ва анклавдаги оғир гуманитар вазиятни юмшатиш учун денгиз йўлагини очади.
Кипр расмийларига кўра, Шарқий Ўрта ер денгизи орқали Ғазо секторига етиб бориш учун икки кун керак бўлиши мумкин. Бу вақт ичида кема 320 километр масофани босиб ўтади. Баржага 200 тонна озиқ-овқат - гуруч, ун, нўхат, сабзавот консервалари ва протеин юкланган.
WCK-provided aid has set sail for Gaza on the @openarms_fund boat. We dispatched almost 200 tons of food—rice, flour, legumes, canned veggies & proteins. Alongside the @UAEAid & @CyprusMFA, our Relief Team is working to send as many aid boats as possible.#ChefsForThePeople pic.twitter.com/oypXF8WbDH
— World Central Kitchen (@WCKitchen) March 12, 2024
Бирлашган Араб Амирликлари томонидан молиялаштирилган миссия АҚШнинг World Central Kitchen (WCK) хайрия ташкилоти томонидан ташкил этилган. Кема Испаниянинг Proactiva Open Arms хайрия ташкилотига тегишли, деб хабар берди Reuters.
"Бизнинг мақсадимиз - газ секторига озиқ-овқат билан тўла қайиқ ва баржаларни барқарор етказиб беришни таъминлайдиган денгиз магистралини яратиш", - деди WCК асосчиси Хосе Андрес ва бош директори Эрин Гор.
Хайрия жамғармалари 7 октябрь куни ХАМАС жангариларининг ҳужумларига жавобан Исроилнинг ҳарбий ҳаракатларга ўтиши туфайли дунё билан алоқалари узилиб қолган Ғазо секторига бевосита ёрдам кўрсатиш ниятида.
Порт инфратузилмаси йўқлиги сабабли, WCК вайрон бўлган бинолар ва қолдиқлардан олинган материаллардан фойдаланган ҳолда Ғазода порт қураётганини айтди. Бу АҚШ президенти Жо Байден томонидан ўтган ҳафта эълон қилинган Ғазо секторида денгиз орқали гуманитар ёрдам етказилишини осонлаштириш учун вақтинчалик порт қуриш режасига қўшимча алоҳида ташаббусдир.
– Қурилиш ишлари жадал давом этмоқда. Муваффақиятсиз бўлишимиз мумкин, лекин энг катта муваффақиятсизлик бу ҳеч қандай ҳаракат қилмасликдир”, — деб ёзган Хосе Андрес Х ижтимоий тармоғида бульдозерларнинг денгиз яқинидаги ерларни келажакдаги бандаргоҳ учун текислаши суратларини жойлаштирган ҳолда.
