Футзал бўйича 2026 йилги Европа чемпионати финал босқичига ўзгартиришлар киритилди
ASTANА. Кazinform - Футзал бўйича 2026 йилги Европа чемпионати финал босқичи форматига расмий ўзгартиришлар киритилди.
Қозоғистон футбол федерацияси хабарига кўра, UEFА ижроия қўмитаси бу борада махсус қарор қабул қилган.
Мусобақага мезбонлик қилиши аввалдан эълон қилинган Латвия ва Литва ўз мақомини сақлаб қолди. Словения учинчи мезбон давлат сифатида тасдиқланди.
Иштирокчи мамлакатлар ва инфратузилма имкониятларини чуқур таҳлил қилгандан сўнг, ижроия қўмита Словенияни танлади. Любляна шаҳри 2018 йилги турнирга юқори савияда мезбонлик қилган эди. У ўзининг катта тажрибаси ва замонавий инфратузилмаси билан ажралиб турарди. Словения футбол ассоциацияси ҳам лойиҳани тўлиқ қўллаб-қувватлашини билдирди.
Янги форматга кўра, А гуруҳи ўйинлари ва бир чорак финал ўйинлари Рига (Латвия) шаҳрида бўлиб ўтади. В гуруҳи ва чорак финал ўйинлари Каунасда (Литва) бўлиб ўтади. Словения қитъа миқёсидаги мусобақада 18 та ўйин ўтказади. C ва D гуруҳлари ўйинлари, икки чорак финал, ярим финал, учинчи ўрин учун плей-офф ва финал ўйинлари “Арена Стожице”да бўлиб ўтади. Бундан ташқари, учинчи турнинг иккита гуруҳ ўйини «Тиволи Арена» мажмуасида кетма-кет ўтказилади.
Қозоғистон терма жамоаси саралаш босқичининг плей-офф босқичида иштирок этади. Плей-офф босқичига қуръа ташлаш маросими 3 июль куни бўлиб ўтади.Плей-офф ўйинлари 15-24 сентябрь кунларига белгиланган.
