Футбол: “Боруссия Дортмунд” клублар ўртасидаги жаҳон чемпионатини дуранг билан бошлади

ASTANА. Кazinform - Бугун Германиянинг "Боруссия Дортмунд" жамоаси клублар ўртасидаги жаҳон чемпионатини дуранг билан бошлади.

Айни дамда F гуруҳида кураш олиб бораётган немис клуби Бразилиянинг “Флуминенсе” клубига қарши илк учрашувда ўз маҳоратини намойиш этди.

Ҳар икки жамоа ўйин бошиданоқ гол уриш учун имкониятлар излашди. Шунга қарамай, улар кўп имкониятларни қўлдан бой беришди. Натижада жамоалар 0:0 ҳисобида дуранг қайд этишди.

Ушбу гуруҳдан жой олган “Ульсан” (Жанубий Корея) – “Мамелоди Сандаунз” (Жанубий Корея) учрашуви 18 июнь куни Қозоғистон вақти билан соат 03:00га белгиланган.

Шунингдек, бугун Е гуруҳида қуйидаги ўйинлар бўлиб ўтади: “Ривер Плейт” (Аргентина) – “Урава Ред Даймондс” (Япония), Монтеррей (Мексика) – “Интер” (Италия).

Тўп ўйинида 32 та жамоа кураш олиб боради. Жамоалар 8 та гуруҳга бўлинган. Ҳар бир гуруҳда 4 тадан клуб иштирок этади, улардан иккитаси плей-оффга чиқади.

Жаҳон чемпионатининг мукофот жамғармаси 1 миллиард АҚШ долларини ташкил қилади. Турнирда ғолиб чиққан жамоа 125 млн доллар олади. Қолган маблағлар 31 иштирокчи клуб ўртасида уларнинг жойлашувига қараб тақсимланади.

Эслатиб ўтамиз, аввалроқ UEFA Европа футбол клубларининг янгиланган рейтингини эълон қилгани ҳақида хабар берган эдик.