Футбол бўйича ҚР миллий терма жамоаси бош мураббийи ўзгарди

NUR-SULTAN. Кazinform - Андрей Карпович футбол бўйича ҚР миллий терма жамоаси бош мураббийи вазифасини бажарувчи этиб тайинланди, деб хабар беради Кazinform.

«Андрей Владимировични қозоғистонлик мухлислар яхши билишади. У терма жамоада энг кўп ўйин ўтказган беш нафар футболчидан бири (55). У бир неча бор сардор сифатида майдонга тушган», - дейилади Қозоғистон футбол федерацияси баёнотида.

Карпович «Елим-Аи», «Иртиш», «Қайрат», «Локомотив», «Ордабаси», «Шахтёр», «Атирау», «Алтай», шунингдек, Россиянинг «Ростсельмаш» ва Москванинг «Динамо» клубларида тўп сурган.

Карпович мураббийлик фаолиятини «Қайрат» тизимида бошлаган, кейин эса 2 йил давомида «Оқжетпес»ни бошқарган. 2021 йил бошидан «Қизил-Жар» бош мураббийи эди.

Эслатиб ўтамиз, янги бош мураббий жамоаси учун илк синов 24 март куни Молдова терма жамоасига қарши ўтказилади.