Футбол бўйича Чемпионлар лигаси: «Манчестер Сити» рақибини мағлуб этди

NUR-SULTAN. Кazinform - UEFA Чемпионлар лигасининг 1/8 финал босқичининг дастлабки икки ўйини натижалари маълум бўлди, деб хабар беради Кazinform мухбири.

Бу сафар «Пари Сен-Жермен» (Франция) ва «Реал Мадрид» (Испания), «Спортинг» (Португалия) ва «Манчестер Сити» (Англия) жамоалари ўзаро куч синашди.

«Пари Сен-Жермен» – «Реал Мадрид» учрашувида киритилган ягона гол ўйин тақдирини ҳал қилди. Бу гол 94-дақиқада франциялик Килиан Мбаппе томонидан киритилди. Шу тариқа, француз клуби рақибини 1:0 ҳисобида мағлуб этди.

«Спортинг» ва «Манчестер Сити» жуфтлиги ғолиби ҳам маълум бўлди. Англия клубидан Рияд Марез 7, Бернарду Силва 17, 44, Фил Фоден 32, Раҳим Стерлинг 58-дақиқаларда рақиб дарвозасига жавобсиз бешта гол киритди. Натижада Португалия клуби ўз майдонида мағлуб бўлди.

Эслатиб ўтамиз, 16 феврал куни «Интер» (Италия) ва «Ливерпуль» (Англия), «Ред Булл Зальцбург» (Австрия) ва «Бавария» (Германия) жамоалари тўқнаш келишади.

22 февралда «Вильярреал» (Испания) ва «Ювентус» (Италия), «Челси» (Англия) ва «Лилль» (Франция), 23 февралда «Атлетико Мадрид» (Испания) ва «Манчестер Юнайтед» (Англия), «Бенфика» (Португалия) ва «Аякс» (Голландия) билан учрашади.

Фото: Livescore.cоm

Муаллиф: Адилжан Умбет