Фристайл-могул: Алматидаги Жаҳон кубогида Қозоғистон шарафини кимлар ҳимоя қилади
ASTANА. Kazinform — Эртага, 28 февраль куни Алмати шаҳридаги “Шимбулақ” тоғ-чанғи курортида бўлиб ўтадиган фристайл-могул бўйича Жаҳон кубогида Қозоғистон шарафини ҳимоя қиладиган спортчилар номи маълум бўлди.
Ушбу мусобақа 2 март куни якунланади.
Мазкур мусобақада Қозоғистон терма жамоасидан саккиз нафар спортчи иштирок этади.
Жумладан, мураббийлар Юлия Галишева, Анастасия Городко, Юлия Феклистова, Анастасия Ларионова, Павел Колмаков, Антон Бондарев, Федор Бугаков, Денис Раструбага умид қилишмоқда.
Бу спортчиларни Елена Круглихина, Геннадий Намерков, Дмитрий Рейхерд, Олег Цин, Константин Горлачевлар бошчилигидаги мураббийлар штаби бошқаради.
Мусобақа дастурига могул, параллель могул ва чанғи акробатикаси киради. Бу Алматида ўтказиладиган Жаҳон кубогининг олтинчи босқичи бўлади.
Австралия, Канада, Хитой, Франция, Япония, АҚШ, Қозоғистон каби 18 давлатдан 100 дан ортиқ спортчи иштирок этади.
Жаҳон кубогининг ушбу босқичлари 2026 йилда Милан-Кортинода бўлиб ўтадиган Олимпия ўйинларига саралаш мусобақалари қаторига киради. Спортчилар нафақат FIS очколари, балки Олимпия ўйинлари лицензияси учун зарур бўлган рейтинг очколари учун ҳам курашадилар.
2019 йилдан буён Алматидаги “Шимбулақ” тоғ-чанғи курортида фристайл бўйича Жаҳон кубоги босқичлари мунтазам равишда ўтказиб келинмоқда.
Эслатиб ўтамиз, қозоқ кураши бўйича жаҳон чемпионати Ҳиндистонда бўлиб ўтиши ҳақида хабар берган эдик.
