Францияда 2025 йилнинг биринчи иссиқ тўлқини қайд этилди
ASTANA. Kazinform – Яқин кунларда Франциянинг катта ҳудудларида ҳаво ҳарорати рекорд даражадаги 38°C даражага етиши кутилмоқда, деб хабар беради Kazinform мухбири.
Маҳаллий метеорологларнинг таъкидлашича, бу ёзда ғайриоддий иссиқ давр, бу Европадаги глобал исишнинг яққол кўриниши бўлиши мумкин.
«Fête de la Musique» анъанавий мусиқа фестивали 21 июнь, шанба куни бўлиб ўтади ва у пайти жуда иссиқ бўлиши кутилмоқда. Шундай қилиб, французлар жорий мавсумнинг биринчи экстремал жазирама тўлқинига дуч келади.
«19 июнь, пайшанба кунидан бошлаб, бир неча кундан бери юқори бўлган ҳаво ҳарорати аста-секин ўсиб боради ва шанба куни ўзининг энг юқори чўққисига чиқади», — дейди Météo France. — Биринчи бўлиб мамлакатнинг ғарбий қисми азият чекади, у ерда ҳаво ҳарорати 34 дан 38°С гача кўтарилади. Кечалари ҳам иссиқ бўлади, тропик кечалар бўлиши мумкин, яъни ҳарорат 20 °C дан пастга тушмайди.
Météo-France жума куни 16 та департамент, жумладан Бретань ва Овернь-Рона-Альп минтақалари учун тўқ сариқ рангли огоҳлантириш эълон қилди. Иссиқлик Испания ва Буюк Британияга ҳам таъсир қилиши мумкин.
Ушбу иссиқлик тўлқини - ғайриоддий юқори ҳароратлар кетма-кет бир неча кун давом этадиган ҳодиса - Францияда 1947 йилдан бери қайд этилган эллигинчи ҳодиса.
«Бу янги воқеликнинг аксидек кўринади: иссиқлик тўлқинлари тез-тез, шиддатли бўлиб, йил бошида ҳам, охирида ҳам намоён бўлмоқда», — дейди француз климатологи.
Илгари бундай ҳолат ҳар беш йилда бир марта содир бўлади, деб ҳисобланарди. Энди бу тез-тез, ҳатто ҳар йили содир бўляпти.
1989 йилгача Францияда ҳар йили ўртача атиги 1,7 кунлик ҳаддан ташқари иссиқлик қайд этилган бўлса, 2000 йилдан 2015 йилгача бу кўрсаткич саккиз кунгача ошган.
Сўнгги ўн йил ичида бу йилига ўртача 9,4 кунгача кўтарилди.
Олимлар доимий равишда иқлим ўзгариши иссиқ тўлқинлар, қурғоқчилик ва тошқинлар каби экстремал об-ҳаво ҳодисаларига олиб келиши ҳақида доимо огоҳлантириб келяпти.
