Финляндияда вертолёт қулаши оқибатида беш киши ҳалок бўлди
ASTANA. Kazinform – Шанба куни Финляндия жануби-ғарбидаги Эура шаҳри яқинида икки фуқаролик вертолёти тўқнашиб кетди, деб хабар беради Azertag.
Бортдаги барча беш киши ҳалок бўлди: иккитаси битта вертолётда, уч нафари иккинчисида. ОАВ маълумотларига кўра, ҳалок бўлганлар орасида эстониялик икки тадбиркор ҳам бор.
Ҳодиса маҳаллий вақт билан тахминан 12:35 да содир бўлган. Тўқнашувдан кейин вертолётлар ерга қулаган. Гувоҳнинг сўзларига кўра, вертолётлардан бири маневр қилиш чоғида иккинчиси билан тўқнашиб кетган, натижада иккаласи ҳам ҳалокатга учраган.
Вертолётлар тахминан 100 метр масофадан топилган. Улардан бири Эстонияда, иккинчиси Австрияда рўйхатдан ўтган. Маълум бўлишича, улар Таллиндан учиб кетишган ва уларнинг манзили Финляндиядаги Кумо аэродроми бўлган.
Фожиа сабаблари ва шароитлари ўрганилмоқда.
