Филадельфияда самолёт ҳалокатида ҳалок бўлганлар сони 7 кишига етди
ASTANA. Kazinform – Кеча Филадельфия шимоли-шарқида тез ёрдам самолёти ҳавога кўтарилганидан кўп ўтмай қулаб тушган эди.

BBC маълумотларига кўра, бортдаги олти кишининг барчаси, шунингдек, ерда бўлган машинадаги бир киши ҳалок бўлган.
Ҳалокатга учраган Learjet 55 самолётига эгалик қилган тез тиббий ёрдам компанияси бортда тўрт нафар экипаж аъзоси, бир педиатрик бемор ва бир ҳамроҳ бўлганини маълум қилди.
Филадельфия мэри Шерелл Паркернинг айтишича, самолёт ҳалокатида ерда бўлган яна 19 киши жабрланган, аммо бу рақам ҳали якуний эмас.
Jet Rescue Air Ambulance вакили Шине Голднинг маҳаллий NBC телеканалига айтишича, ҳалокатга учраган самолёт АҚШда хавфли касалликдан даволанаётган мексикалик қизни олиб кетаётган эди. Самолётда яна беш киши — боланинг онаси, учувчи, иккинчи учувчи, шифокор ва фельдшер бўлган, деди компания вакили.
“Ҳодисаси ердаги кўплаб одамларнинг жароҳатланишига сабаб бўлди”, – дейилади хабарда.
Шерелл Паркер ҳам воқеа жойида ўтказилган матбуот анжуманида бир неча уй ва машиналар ёниб кетганини айтди. Икки соатдан кейин ёнғин ўчирилди.
Эслатиб ўтамиз, куни кеча Филадельфияда тез тиббий ёрдам самолёти ҳалокатга учрагани маълум бўлган эди.
Бунгача, 30 январь куни Вашингтон аэропорти яқинида кичик самолёт дарёга қулаган эди.
Президент Трамп Вашингтондаги самолёт ҳалокатидан ҳеч ким омон қолмаганини маълум қилди.