Европарламентнинг собиқ депутати коррупция можаросига дуч келди
ASTANA. Kazinform – Бельгиянинг собиқ сиёсий арбоби, социал-демократлар (S&D) фракцияси вакили Мария Арена Бельгия тергов судида сўроқ қилинди.
Икки йил аввал Европарламент аъзолари ўртасида коррупция можароси чиққан эди. Politico нашрининг хабар беришича, Мария Арена худди шу жиноий ташкилотга алоқадорликда айбланган.
Европарламентнинг бир қанча депутатлари ва расмийлари “Европа парламентида пул ва қимматбаҳо совғалар эвазига Яқин Шарқнинг бир қанча давлатларига сиёсий ён беришда” айбланган.
Ушбу иш доирасида Бельгия полицияси Европа пойтахтини ларзага солган бир нечта тинтув ва ҳибсга олиш ишларини олиб борди.
Тинтув чоғида компьютерлар, мобиль телефонлар ва 600 минг евро мусодара қилинди. Бельгия расмийлари тўрт нафар гумонланувчининг шахсини аниқлади ва уларни ҳибсга олишга ордер берди.
“Улар жиноий ташкилотга алоқадорлик, жиноий даромадларни легаллаштириш ва коррупцияда айбланмоқда”, – дея хабар беради прокуратура.
ЕП вице-президенти Ева Кайлидан ташқари, унинг парламент маслаҳатчиси Франческо Жоржи, социалистик фракциядан Европа парламентининг италиялик собиқ депутати Пьер Антонио Панцери ва яна бир номи ошкор этилмаган Брюссель лоббичиси ҳибсга олинган. Яна икки маҳбус, Кайлининг отаси ва Халқаро касаба уюшмалари конфедерацияси бош котиби Лука Виcентини озод қилинди.
Ўтган пайшанба куни Мария Арена тергов судьяси олдида сўроқ қилинди, чунки полиция уни гумондор сифатида кўрсатган. Бироқ унинг 2022 йил декабрида юз берган сиёсий можарога алоқадорлиги ҳали аниқланмаган.
Бельгиялик социалистик сиёсатчи Европарламентнинг инсон ҳуқуқлари бўйича қуйи қўмитаси (DROI) раиси, социалистлар ва демократлар фракцияси раҳбари бўлган.
2023 йил январида Мария Арена инсон ҳуқуқлари қўмитаси раиси бўлиб ишлаганида ОАВ унинг хорижий давлатлардан бирига сафарини дикларация қилмаганини аниқлади ва кейин истеъфога чиқди.
Мария 2024 йилги Европарламент сайловларигача Европарламент аъзоси бўлган, шундан сўнг у номзод сифатида қайта рўйхатдан ўтмаган.
Бельгия расмийлари томонидан олиб борилган тергов ҳали судгача етиб бормаган.
