Европарламент депутатлари Австрия ва Франция мактабларидаги отишма қурбонларини хотирлади
BRUSSELS. Kazinform — Европарламентнинг Страсбургдаги (Франция) сайёр сессиясининг биринчи кунида Европарламент депутатлари Австрия ва Франция мактабларида яқинда содир бўлган отишма қурбонлари хотирасига ҳурмат бажо келтирди, деб хабар беради Кazinform агентлиги мухбири.
Европарламент раиси Роберта Метсола 10 июнь, сешанба куни Франциянинг Ножан шаҳрида мактаб ўқувчиси ўқитувчи ёрдамчисини пичоқлаб ўлдирган, Австриянинг Грац шаҳрида собиқ ўқувчи эса тўққиз нафар талаба ва ўқитувчини отиб ўлдиргани ва яна кўпларини яралагани оқибатида юз берган даҳшатли воқеалардан чуқур қайғуда эканини билдирди.
— Зўравонлик ва нафратга Европада ва бизнинг мактабларимизда жой йўқ, — деди у ва қўшимча қилди. —Мактаблар қўрқув учун эмас, балки ўрганиш ва ривожланиш учун хавфсиз жойлар бўлиб қолиши керак.
Метсола Франция ва Австрия мактабларида ҳалок бўлганлар учун бир дақиқалик сукут сақлашга чақирди.
Муаллиф: Арнур Раҳимбеков
